Appelli dwar Deċiżjonijiet tal-Aġenzija Dwar is-Suq tal-Proprjetà

It-Tribunal ta’ Reviżjoni Amministrattiva irid ikun kompetenti biex jisma’ u jiddetermina oġġezzjonijiet li jsiru minn persuni aggravati minn kwalunkwe deċiżjoni tal-Board:

Sakemm il-liġi tippreskrivi mod ieħor, f’termini ta’ subartikolu 15 (1), oġġezzjoni mressqa lit-Tribunal ta’ Reviżjoni Amministrattiva għandha tigi sottomessa fi żmien għoxrin (20) jum minn meta tiġi riċevuta d-deċiżjoni tal-bord.

Appelli mid-Deċiżjonijiet tat-Tribunal ta’ Reviżjoni Amministrattiva

Għandu jkun hemm id-dritt għall-appell skont id-dispożizzjonijiet ta’ Taqsima IV tal-Att dwar il-Ġustizzja Amministrattiva mid-deċiżjonijiet tat-Tribunal ta’ Reviżjoni Amministrattiva skont is-subartikolu (1) u dan l-appell għandu jsir lill-Qorti tal-Appell (Ġuriżdizzjoni Inferjuri).