Politika dwar il-Privatezza - L-Aġenzija dwar is-Suq tal-Proprjetà

Politika dwar il-Privatezza tas-sit tal-Aġenzija dwar is-Suq tal-Proprjetà

Aġġornata l-aħħar: 12/03/2026

1. Dħul

L-Aġenzija dwar is-Suq tal-Proprjetà (minn hawn ’il quddiem imsejħa wkoll bħala “l-Aġenzija”, jew “aħna”) tirrispetta l-privatezza tiegħek u hija impenjata li tipproteġi d-data personali tiegħek. L-Aġenzija hija l-kontrollur tad-data għall-fini tar-Regolament Ġenerali dwar il-Protezzjoni tad-Data (UE) 2016/679 (GDPR), l-Att dwar il-Protezzjoni u l-Privatezza tad-data (Kapitolu 586 tal-Liġijiet ta’ Malta), kwalunkwe leġiżlazzjoni sussidjarja tiegħu u kwalunkwe liġi applikabbli Maltija u tal-Unjoni Ewropea dwar il-protezzjoni tad-data (minn hawn ’il quddiem imsejħa “leġiżlazzjoni dwar il-Protezzjoni tad-data”).

Din il-Politika dwar il-Privatezza tispjega kif aħna niġbru, nużaw, niżvelaw, u nipproteġu informazzjoni miksuba permezz tas-sit tagħna https://realestateregistration.gov.mt/ skont il-GDPR u l-Att dwar il-Protezzjoni u l-Privatezza tad-data.

X’inhi Data Personali?

Data personali hija kwalunkwe informazzjoni relatata ma’ persuna fiżika ħajja identifikata jew identifikabbli, magħrufa wkoll bħala “suġġett tad-data”. Suġġett tad-data huwa individwu li jista’ jiġi identifikat, direttament jew indirettament, b’informazzjoni bħall-isem, in-numru ta’ identifikazzjoni, id-data dwar il-post, l-identifikatur online, jew data oħra relatata mal-identità fiżika, fiżjoloġika, ġenetika, mentali, ekonomika, kulturali jew soċjali tiegħu. Dawn il-kategoriji ta’ informazzjoni ta’ identifikazzjoni huma magħrufa bħala “data personali”. Id-data personali teskludi kwalunkwe data li tkun saret anonima b’tali mod li s-suġġett tad-data ma jibqax identifikabbli (data anonima).

Data ta’ kategorija speċjali hija data dwar l-oriġini razzjali jew etnika, opinjoni politika, twemmin reliġjuż jew filosofiku, sħubija fi trejdjunjin, data ġenetika, data bijometrika għall-fini tal-identifikazzjoni unika ta’ persuna fiżika, data dwar is-saħħa, data dwar il-ħajja sesswali jew l-orjentazzjoni sesswali ta’ persuna fiżika. L-Aġenzija se tipproċessa biss kategoriji speċjali ta’ data personali (data sensittiva) taħt kundizzjonijiet stretti u b’bażi legali xierqa.

Nipproċessaw data personali dwar il-kategoriji ta’ suġġetti tad-data li ġejjin:

applikanti u aġenti immobiljari liċenzjati mill-Aġenzija;
fornituri u fornituri ta’ servizzi tal-Aġenzija;
membri tal-pubbliku;
utenti tas-sit tal-Aġenzija;
applikanti għal impjieg u ħaddiema tal-Aġenzija.
ismijiet u numri ta’ referenza tal-identitajiet tad-diretturi, l-imsieħba, is-segretarji tal-kumpaniji u s-sidien benefiċjarji kollha.

Id-data personali hija aċċessata biss minn dawk l-impjegati tal-Aġenzija li jridu jwettqu l-funzjonijiet tal-Aġenzija skont id-dmirijiet tagħha preskritti mil-liġi. Id-data personali tiġi żvelata lil partijiet terzi meta jkun meħtieġ iżda biss kif awtorizzat mil-liġi. L-Aġenzija ma tipproċessax b’mod konxju data personali relatata mal-minorenni.

L-Aġenzija tiġbor u tipproċessa informazzjoni biex twettaq l-obbligi tagħha skont il-leġiżlazzjoni preżenti. Id-data kollha tinġabar u tiġi pproċessata skont il-leġiżlazzjoni dwar il-Protezzjoni tad-Data u l-Att dwar l-Aġenzija dwar is-Suq tal-Proprjetà, Kapitolu 644 tal-Liġijiet ta’ Malta. Fil-biċċa l-kbira tal-każijiet, il-forniment ta’ data personali jirriżulta jew minn rekwiżiti statutorji jew minn dispożizzjonijiet kuntrattwali. Fejn applikabbli, in-nuqqas tal-forniment tiegħu jipprevjeni lill-Aġenzija milli tikkonforma mal-obbligi legali jew regolatorji tagħha; il-konklużjoni ta’ kuntratti; u l-forniment tas-servizzi mitluba.

2. Kontrollur tad-Data u Kuntatt

Il-Kontrollur tad-Data huwa l-Aġenzija dwar is-Suq tal-Proprjetà, imwaqqfa bis-saħħa tal-Kapitolu 644 tal-Liġijiet ta’ Malta. Dan ifisser li aħna responsabbli biex niddeterminaw l-iskopijiet u l-mezzi tal-ipproċessar tad-data personali tiegħek.

F’ċerti każijiet, fejn l-Aġenzija tipprovdi servizzi flimkien ma’ awtorità pubblika oħra, aħna nistgħu naġixxu bħala kontrolluri konġunti skont l-Artikolu 26 tar-RĠPD. F’każijiet bħal dawn, aħna nipprovdu jew nassoċjaw mal-essenza tal-arranġament li jirregola l-attivitajiet konġunti ta’ pproċessar. F’każijiet bħal dawn, l-Aġenzija se tipprovdi kwalunkwe informazzjoni relevanti li tirregola l-attivitajiet ta’ pproċessar konġunt.

Dettalji ta’ kuntatt:

Indirizz: Property Market Agency (PMA), AX Business Centre, Ground Floor, Triq id-Difiża Ċivili, Mosta, Malta

Indirizz Elettroniku: [email protected]

Numru Telefoniku: 00356 2248 1508

Uffiċjal tal-Protezzjoni tad-data (UPD):

L-UPD huwa responsabbli biex jiżgura l-konformità tal-obbligi tal-protezzjoni tad-data u biex jieħu ħsieb talbiet relatati.

Indirizz Elettroniku: [email protected]

Id-dettalji ta ’kuntatt tal-Kummissarju għall-informazzjoni u l-Protezzjoni tad-data:

Il-Kummissarju għall-informazzjoni u l-Protezzjoni tad-data jista’ jiġi kkuntattjat fuq:

Indirizz: Level 2, Airways House, High Street, Sliema, SLM 1549

Indirizz Elettroniku: [email protected]

Numru Telefoniku: 00356 2328 7100

3. Kategoriji ta’ Data Personali

L-Aġenzija tiġbor u tipproċessa data personali strettament kif meħtieġ għat-twettiq tal-funzjonijiet statutorji tagħha fil-liġi, għat-tħaddim sigur u effettiv tas-sit web uffiċjali tagħha, u għat-għotja ta’ servizzi relatati mal-mandat pubbliku tagħha. Il-kategoriji speċifiċi ta’ data personali miġbura u pproċessata jiddependu fuq in-natura tal-interazzjoni tiegħek mal-Aġenzija. Dawn jistgħu jinkludu:

Data Personali	Skop tal-ipproċessar	Bażi legali
Data ta’ identifikazzjoni, bħall-isem, il-kunjom, in-numru ta’ identifikazzjoni nazzjonali, id-data tat-twelid, l-indirizz residenzjali jew tan-negozju, u identifikaturi oħrajn maħruġa mill-gvern.	Data ta’ identifikazzjoni, bħall-isem, il-kunjom, in-numru ta’ identifikazzjoni nazzjonali, id-data tat-twelid, l-indirizz residenzjali jew tan-negozju, u identifikaturi oħrajn maħruġa mill-gvern.	Biex inwettqu l-funzjonijiet tagħna bħala Aġenzija taħt Kapitolu 644 tal-Liġijiet ta’ Malta u biex inħarsu l-obbligi legali tagħna. Li nipprovdulek informazzjoni u appoġġ relatat mas-servizzi, inklużi bidliet fis-servizzi, aġġornamenti tekniċi, bidliet fit-termini u l-kundizzjonijiet u kif ukoll rigward dan l-Avviż dwar il-Privatezza.
Informazzjoni professjonali u dwar il-liċenzjar, bħad-dettalji dwar l-impjieg, id-data dwar ir-reġistrazzjoni tan-negozju, in-numri tal-liċenzji jew tal-permessi, il-kwalifiki professjonali, ir-rekords dixxiplinarji, jew id-dikjarazzjonijiet ippreżentati għal skopijiet regolatorji jew ta’ konformità. Kategoriji differenti ta’ data personali skont is-servizzi offruti lilek.	Li tagħti, ġġedded, tirrifjuta, tissospendi jew tirrevoka kull liċenzja, ċertifikat jew dokument ieħor kif maħruġ mill-Aġenzija. Mal-ġbir tad-data se tiġi pprovdut b’ informazzjoni dwar kif se nipproċessaw id-data personali tiegħek fi ħdan “l-avviż ta’ privatezza” speċifiku.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Ċerti attivitajiet ta’ pproċessar jistgħu jkunu meħtieġa wkoll biex jikkonformaw ma’ obbligi legali speċifiċi imposti fuq l-Aġenzija skont il-liġi Maltija (l-Artikolu 6 (1) (c) tar-RĠPD). Dan l-ipproċessar huwa meħtieġ għat-twettiq ta’ xogħol għall-interess tal-pubbliku u fl-eżerċizzju ta’ awtorità uffiċjali tal-Aġenzija taħt il-Kapitolu 644 tal-Liġijiet ta’ Malta u kwalunkwe leġiżlazzjoni sussidjarja taħtu.
Informazzjoni li inti tipprovdi fi kwalunkwe formola ta’ applikazzjoni online, inkluż talbiet għal informazzjoni, mistoqsijiet u lmenti. Rekords ta’ spezzjonijiet, ilmenti, jew proċedimenti ta’ infurzar, fejn relevanti għall-funzjonijiet regolatorji u superviżorji tal-Aġenzija. Data tas-sit u tal-komunikazzjoni, inkluża informazzjoni sottomessa permezz ta’ formoli ta’ kuntatt jew ta’ applikazzjonijiet online, mistoqsijiet, jew korrispondenza mal-Aġenzija (permezz tal-posta elettronika, bil-posta, jew portali online). Kwalunkwe data oħra pprovduta volontarjament minn individwi matul il-komunikazzjoni, ir-reġistrazzjoni, jew il-parteċipazzjoni f’konsultazzjonijiet, laqgħat, jew avvenimenti mmexxija mill-Aġenzija. Jekk qed taġixxi f’isem xi ħadd li qed iressaq ilment, l-Aġenzija se titolbok prova t’awtorizzazzjoni biex taġixxi f’ isem xi ħadd ieħor, u tissodisfa ruħha bl-identita’ tiegħek.	Tipproċessa formoli ta’ applikazzjonijiet, inklużi għall- talbiet għal informazzjoni. Biex twieġeb għal mistoqsijiet u feedback sottomessi minnek. Li ninvestigaw u nieħdu azzjoni regolatorja skont id-dmirijiet statutorji tagħna.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Ċerti attivitajiet ta’ pproċessar jistgħu jkunu meħtieġa wkoll biex jikkonformaw ma’ obbligi legali speċifiċi imposti fuq l-Aġenzija skont il-liġi Maltija (l-Artikolu 6 (1) (c) tar-RĠPD). Dan l-ipproċessar huwa meħtieġ għat-twettiq ta’ xogħol għall-interess tal-pubbliku u fl-eżerċizzju ta’ awtorità uffiċjali tal-Aġenzija taħt il-Kapitolu 644 tal-Liġijiet ta’ Malta u kwalunkwe leġiżlazzjoni sussidjarja taħtu.
Dettalji personali tal-applikanti għax-xogħol inklużi l-isem sħiħ u d-dettalji ta’ kuntatt, l-esperjenza tax-xogħol, l-edukazzjoni u r-referees.	Biex tivvaluta l-kapaċit à tiegħek għall-irwol li applikajt għalih.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Ċerti attivitajiet ta’ pproċessar jistgħu jkunu meħtieġa wkoll biex jikkonformaw ma’ obbligi legali speċifiċi imposti fuq l-Aġenzija skont il-liġi Maltija (l-Artikolu 6 (1) (c) tar-RĠPD).
Data personali tal-impjegati relatata mal-impjieg tagħhom fl-Aġenzija.	Id-data personali tinġabar għall-fini li jappartjenu għall-impjieg tal-individwu mal-Awtorità, inkluż iżda mhux limitat għal reviżjonijiet tal-prestazzjoni, l-amministrazzjoni tal-pagi tal-impjegati, u għall-fini li jikkonformaw mal-leġiżlazzjoni applikabbli dwar l-impjieg.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Ċerti attivitajiet ta’ pproċessar jistgħu jkunu meħtieġa wkoll biex jikkonformaw ma’ obbligi legali speċifiċi imposti fuq l-Aġenzija skont il-liġi Maltija (l-Artikolu 6 (1) (c) tar-RĠPD).
Dettalji relatati maż-żjara tiegħek fl-uffiċji tagħna, inkluż l-isem sħiħ, l-isem tal-kumpanija, in-numru tal-mowbajl, il-ħin tad-dħul, il-ħin ta’ ħruġ, in-numru tal-pass tal-viżitatur u l-firma.	Għal skopijiet ta’ sigurtà.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Fejn applikabbli, ċerti attivitajiet ta’ pproċessar jistgħu jkunu meħtieġa wkoll jikkonformaw m’obbligi legali speċifiċi skont il-leġiżlazzjoni Maltija dwar is-saħħa u s-sigurtà, skont l-Artikolu 6 (1) (c) tar-RĠPD.
Data personali relatata m’individwi jew organizzazzjonijiet li jipprovdulna servizz. Informazzjoni finanzjarja u amministrattiva, fejn meħtieġ għal pagamenti tariffarji, rifużjonijiet, jew awditi finanzjarji (eż. dettalji tal-kont bankarju, prova tal-pagament, jew informazzjoni dwar il-fatturazzjoni)	Li jkollha x’taqsam ma’ fornituri potenzjali u eżistenti, li jidħlu fi u jimmaniġġjaw kuntratti għall-provvista ta’ servizzi, u li jamministraw ir-relazzjoni kummerċjali tagħna inklużi attivitajiet ta’ akkwist, eżekuzzjoni ta’ kuntratti, amministrazzjoni finanzjarja, fatturazzjoni, pagamenti, u konformità tal-obbligi applikabbli t’akkwist pubbliku u awditjar.	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Barra minn hekk, ċerti attivitajiet ta’ pproċessar – b’ mod partikolari dawk relatati ma’ proċeduri ta’ akkwist pubbliku, ġestjoni finanzjarja, u rekwiżiti statutorji tal-awditjar – jistgħu jitwettqu biex jikkonformaw mal-obbligi legali tagħna skont il-liġi Maltija, skont l-Artikolu 6 (1) (c) tar-RĠPD.
Kwalunkwe data personali relatata miegħek li inti tipprovdilna jew li aħna niġġeneraw dwarek b’rabta mal-użu tiegħek tas-sit web uffiċjali tagħna. Data teknika u dwar l-użu, bħal indirizz tal-IP, tip ta’ browser, u informazzjoni dwar it-tagħmir, miġbura awtomatikament permezz tal-sit għal skopijiet ta’ sigurtà, funzjonalitajiet, u analiżi. M’hu qed isir l-ebda tentattiv biex jiġu identifikati utenti individwali jew biex jiġu assoċjati d-dettalji tekniċi elenkati hawn fuq ma’ kwalunkwe individwu.	Biex tiżgura s-sigurtà, integrità u tħaddim xieraq ta’ dan is-sit u s-sistemi tagħna. Biex ittejjeb u tiżviluppa dan is-sit u l-applikazzjonijiet tal-mobile tagħna. Biex tiġġenera tanalizza statistika dwar l-użu ta’ dan is-sit, inkluża l-frekwenza ta’ użu ta’ paġni individwali (fejn possibbli, id-data personali se tiġi anonimizzata qabel ma tintuża għal dan il-għan).	Il-bażi legali li nistrieħu fuqha biex nipproċessaw id-data personali tiegħek hija l-Artikolu 6 (1) (e) tar-RĠPD, li jippermettilna nipproċessaw data personali meta dan ikun meħtieġ biex inwettqu x-xogħolijiet pubbliċi tagħna u fl-eżerċizzju tal-mandat uffiċjali mogħti lill-Aġenzija. Għal analiżi jew cookies tal-istatistika li mhumiex strettament meħtieġa, il-bażi legali hija l-kunsens tiegħek skont l-Artikolu 6 (1) (a) tar-RĠPD, skont ir-rekwiżiti tad-Direttiva dwar il-Privatezza Elettronika u l-leġiżlazzjoni nazzjonali t’implimentazzjoni. Dawn il-cookies jiġu attivati biss jekk tipprovdi l-kunsens tiegħek permezz tal-istrixxun tal-cookies tagħna.

4. Prinċipji tal-Ipproċessar tad-Data

L-Aġenzija hija kommessa li tikkonforma. Jekk irridu niġbru, nipproċessaw, naħżnu jew inkella nużaw id-data personali tiegħek, aħna se nosservaw il-prinċipji tal-protezzjoni tad-data li ġejjin:

Konformita mal-liġi, ġustizzja u trasparenza: l-ipproċessar ta’ data personali għandu jsir b’ mod legali, ġust u trasparenti;
Limitazzjonijiet tal-iskopijiet: il-ġbir ta’ data personali għandu jsir biss għal skopijiet speċifiċi, espliċiti u leġittimi u ma għandux ikompli jiġi pproċessat b’ mod li ma jkunx kompatibbli ma’ dawk l-iskopijiet;
Minimizzazzjoni tad-Data: il-ġbir ta’ data personali għandu jkun adegwat, relevanti u limitat għal dak li huwa meħtieġ fir-rigward tal-iskop li għalih tiġi pproċessata;
Preċiżjoni: id-data personali għandha tkun preċiża u fejn meħtieġ, tinżamm aġġornata. Għandu jittieħed kull pass raġonevoli biex jiġi żgurat li d-data personali li ma tkunx preċiża fir-rigward tal-iskopijiet li għalihom tiġi pproċessata, titħassar jew tiġi kkoreġuta mingħajr dewmien;
Limitazzjoni tal-Ħażna: id-data personali għandha tinżamm f’forma li tippermetti l-identifikazzjoni tas-suġġett tad-data għal mhux aktar milli jkun meħtieġ għall-iskop li għalih tiġi pproċessata d-data personali;
Integrità u Kunfidenzjalità: data personali għandha tinżamm kunfidenzjali u maħżuna b’mod li jaċċerta sigurta’ xierqa. Id-data personali ma għandhiex tiġi mqassma ma’ partijiet terzi ħlief meta jkun meħtieġ u b’bażi legali ġustifikabbli.
Akkontabbiltà u Governanza: l-Aġenzija hija responsabbli għal dawn il-prinċipji u kapaċi turi li huma konformi magħhom, skont l-Artikolu 5 (2) tar-RĠPD.
Protezzjoni tad-Data skont id-Disinn u b’Mod Awtomatiku: Aħna ninkorporaw il-prinċipji tal-protezzjoni tad-data fil-proġetti, is-sistemi u l-proċessi kollha tagħna mill-bidu nett.

5. Riċevituri ta’ data personali

L-Aġenzija tista’ taqsam data personali biss sa fejn ikun meħtieġ u skont il-prinċipji tal-liġi, il-ġustizzja u t-trasparenza skont ir-RĠPD. Id-data personali tista’ tiġi mqassma mal-kategoriji ta’ riċevituri li ġejjin:

Fornituri ta’ servizzi u konsulenti professjonali mqabbda mill-Aġenzija li jżommu jew jospitaw is-sit u kwalunkwe sistema tal-Aġenzija;
Awdituri u konsulenti legali involuti fir-reviżjoni jew l-għoti ta’ pariri dwar il-proċessi tagħna;
Awtoritajiet pubbliċi jew entitajiet governattivi oħra meta ċertu żvelar ikun meħtieġ biex jiġu ssodisfati l-funzjonijiet legali jew regolatorji tal-Aġenzija;
Awtoritajiet tal-infurzar tal-liġi jew ġudizzjarji fejn l-iżvelar ikun meħtieġ mil-liġi applikabbli jew b’rabta mal-istabbiliment, l-eżerċizzju jew id-difiża ta’ pretensjonijiet legali;

Ir-riċevituri kollha ta’ data personali huma marbuta kuntrattwalment li jipproċessaw data personali biss fuq l-istruzzjonijiet tal-Aġenzija u li jimplimentaw kwalunkwe miżura teknika u organizzattiva biex jiżguraw is-segretezza, l-integrita u s-sikurezza tad-data personali.

Id-data personali m’għandhiex tiġi ttrasferita barra miż-Żona Ekonomika Ewropea (ŻEE) sakemm it-tali trasferiment ma jsirx skont il-Kapitolu V tar-RĠPD, inkluż l-użu ta’ deċiżjonijiet t’adegwatezza jew salvagwardji xierqa (bħal klawżoli kuntrattwali standard jew regoli korporattivi vinkolanti), li jiżguraw li s-suġġetti tad-data jkomplu jibbenefikaw minn livell ekwivalenti ta’ protezzjoni.

6. Perjodi ta’ ħażna

Aħna nżommu d-data personali biss sakemm ikun meħtieġ biex jiġu milħuqa l-iskopijiet li għalihom tkun inġabret, inkluż biex jiġu sodisfatti l-obbligi legali, jiġu infurzati l-ftehimiet, jew jiġu stabbiliti, eżerċitati, jew difiżi t-talbiet legali.

Meta perjodi speċifiċi ta’ ħażna ma jkunux jistgħu jiġu predeterminati, aħna nivvalutaw il-perjodu xieraq skont:

l-iskop tal-ġbir;
obbligi legali jew regolatorji;
il-bażi legali għall-ipproċessar (eż., kunsens, obbligu legali);
il-valur u s-sensittivita tad-data;
standards tal-industrija applikabbli; u
ir-riskji u l-ispejjeż ta’ ħażna kontinwa.

Aħna nirrevedu regolarment id-data li nżommu u nħassruha jew nanonimizzawha b’mod sigur meta ma jkunx għad hemm bżonnha.

Għal aktar informazzjoni dwar perjodi speċifiċi ta’ ħażna, jekk jogħġbok ikkuntattja lill-Uffiċjal tal-Protezzjoni tad-Data.

7. Sigurtà tad-Data

L-Aġenzija tapplika miżuri tekniċi u organizzattivi xierqa biex tipproteġi d-data personali kontra telf, użu ħażin, aċċess mhux awtorizzat, tibdil, jew qerda. Dawn is-salvagwardji jiżguraw li s-sistemi tagħna jkunu kunfidenzjali, integri u disponibbli, u jappoġġaw l-irkupru f’każ ta’ inċidenti tekniċi jew fiżiċi.

Filwaqt li nieħdu l-passi raġonevoli kollha biex niżguraw id-data tiegħek, l-ebda metodu ta’ trażmissjoni jew ħażna online ma huwa kompletament sigur. Inti tittrażmetti informazzjoni għar-riskju tiegħek stess.

Aħna nżommu proċeduri interni biex niddentifikaw u nirrispondu għal ksur ta’ data personali. Fejn meħtieġ legalment, aħna se ninfurmaw lill-awtoritajiet superviżorji u, fejn applikabbli, lill-individwi affettwati. Il-ħaddiema jirċievu taħriġ regolari dwar il-protezzjoni tad-data u s-sigurtà tal-informazzjoni.

Biex tirrapporta possibiltà ta’ ksur jew tħassib, ikkuntattja lill-Uffiċjal tal-Protezzjoni tad-Data tagħna.

8. Drittijiet tas-Suġġett tad-Data

Skont ir-Regolament Ġenerali dwar il-Protezzjoni tad-data (RĠPD), għandek għadd ta’ drittijiet fir-rigward tad-data personali li nipproċessaw dwarek. Dawn id-drittijiet huma maħsuba biex jiżguraw trasparenza, ġustizzja, u kontabbilità fil-mod ta’ kif tiġi ttrattata d-data personali tiegħek. L-Aġenzija hija impenjata li tirrispetta u tiffaċilita l-eżerċizzju tad-drittijiet tiegħek bħala suġġett tad-data. Id-drittijiet mogħtija lis-suġġetti tad-data jinsabu hawn taħt:

Dritt għall-informazzjoni

Bħala parti ewlenija mir-rekwiżiti ta ’trasparenza, inti se tingħata diversi kategoriji ta’ informazzjoni li normalment jiġu pprovduti fi ħdan “avviż ta ’privatezza”. Kwalunkwe avviż ta’ privatezza bħal dan se jinfurmak dwar:

l-identifikazzjoni u d-dettalji ta ’kuntatt tal-kontrollur tad-data;
id-dettalji ta’ kuntatt tal-Uffiċjal tal-Protezzjoni tad-Data;
l-iskop u l-bażi legali għall-ipproċessar;
is-sors li minnu oriġinat id-data personali;
il-kategoriji ta’ data personali li se nipproċessaw;
il-kategoriji ta’ riċevituri li magħhom ġiet jew se tiġi mqassma d-data;
kwalunkwe trasferiment ta’ data lejn pajjiżi barra mill-UE/ŻEE u s-salvagwardji fis-seħħ fejn dan iseħħ;
għal kemm se tinżamm id-data jew il-kriterji użati biex jiġi ddeterminat il-perjodu ta’ ħażna;
id-drittijiet li int intitolat għalihom;
jekk il-forniment tad-data personali huwiex rekwiżit kuntrattwali jew statutorju, u jekk iva l-konsegwenzi possibbli jekk ma tiġix ipprovduta;
Jekk hux se tittieħed deċiżjoni awtomatizzata li tista’ taffettwak b’ mod sinifikanti, u jekk iva, informazzjoni dwar il-loġika involuta u kif tista’ taffettwak.

Dritt għall-aċċess

Għandek id-dritt li tikseb mingħandna konferma dwar jekk id-data personali li tikkonċernak hijiex qed tiġi pproċessata jew le, u fejn dan ikun il-każ, aċċess għad-data personali u l-informazzjoni addizzjonali.

Dritt għal rettifika

Għandek id-dritt li tikseb mingħandna mingħajr dewmien żejjed l-aġġornar ta’ data personali mhux preċiża li tikkonċernak.

Dritt għat-tħassir

Għandek id-dritt li tikseb mingħandna t-tħassir tad-data personali tiegħek skont il-liġi. Dan id-dritt huwa limitat minn, u soġġett għall-obbligi regolatorji u legali kollha tagħna.

Dritt għal restrizzjoni tal-ipproċessar

Għandek id-dritt li tikseb mingħandna restrizzjoni tal-ipproċessar jekk waħda minn dawn li ġejjin tapplika:

il-preċiżjoni tad-data personali tiġi kkontestata minnek innifsek għal perjodu li jippermettilna nivverifikaw il-preċiżjoni tad-data personali tiegħek;
l-ipproċessar huwa illegali u inti topponi għat-tħassir tad-data personali tiegħek u minflok titlob ir-restrizzjoni tal-użu tiegħu;
m’għadx neħtieġu d-data personali, iżda hija meħtieġa minnek innifsek għall-istabbiliment, l-eżerċizzju jew id-difiża ta’ talbiet legali;
toġġezzjona għall-ipproċessar skont id-dritt tiegħek li toġġezzjona sakemm issir il-verifika dwar jekk ir-raġunijiet leġittimi tagħna jipprevalux fuq tiegħek.

Dritt għall-Portabbiltà tad-Data

Għandek id-dritt li tirċievi d-data personali tiegħek li tkun ipprovdejtilna, f’format strutturat, użat b’mod komuni u li jinqara mill-magni.

Dritt għall-oġġezzjoni

F’ċertu ċirkostanzi, għandek id-dritt li toġġezzjona għall-ipproċessar tad-data personali tiegħek. L-oġġezzjoni tiegħek trid tkun ibbażata fuq is-sitwazzjoni partikolari tiegħek, u tista’ tiġi kkunsidrata biss meta l-ipproċessar ikun:

ibbażat jew fuq l-interessi leġittimi jew fuq il-kundizzjoni tal-kompitu pubbliku;
jew riċerka xjentifika u/jew storika u għanijiet ta ’statistika, sakemm l-ipproċessar ma jkunx fl-interess pubbliku.

M’għandniex nipproċessaw aktar id-data personali tiegħek sakemm ma jkollniex raġuni leġittima konvinċenti biex l-ipproċessar ikompli, jew l-ipproċessar relatat ma’ talbiet legali.

Dritt li tkun taf bl-eżistenza ta’ teħid awtomatizzat ta’ deċiżjonijiet

It-teħid ta’ deċiżjonijiet awtomatizzat iseħħ meta sistema elettronika tuża informazzjoni personali biex tieħu deċiżjoni mingħajr intervent uman.

Fl-istabbiliment u t-twettiq tas-servizz tagħna, aħna ġeneralment ma nużaw l-ebda teħid ta’ deċiżjonijiet awtomatizzat skont l-Artikolu 22 tar-RĠPD. Inti mhux se tkun soġġett għal deċiżjonijiet li se jkollhom impatt legalment vinkolanti jew sinifikanti fuqek ibbażat biss fuq teħid ta’ deċiżjonijiet awtomatizzat, sakemm ma jkollniex bażi legali biex nagħmlu dan u ninnotifikawk kif xieraq.

Dritt għall-irtirar tal-kunsens

Meta l-ipproċessar tagħna tad-data personali tiegħek ikun ibbażat fuq li tkun tajt il-kunsens, għandek id-dritt li tirtira l-kunsens tiegħek għall-ipproċessar fi kwalunkwe ħin.

Dritt li tressaq ilment

Jekk għandek bżonn xi kjarifika jew għandek bżonn tiddiskuti kwistjonijiet relatati mal-ipproċessar tad-data personali tiegħek, tista’ tikkuntattja lill-Uffiċjal tal-Protezzjoni tad-data tagħna permezz ta’ email fuq [email protected]

F’każ li ma tkunx sodisfatt bl-eżitu, bħala suġġett tad-data, għandek ukoll id-dritt li tressaq ilment mal-Kummissarju għall-Informazzjoni u l-Protezzjoni tad-data, online, permezz tas-sottomissjoni ta’ rapport bil-posta konvenzjonali, jew bil-posta elettronika fuq [email protected]

Biex teżerċita d-drittijiet tas-suġġett tad-data tiegħek, trid tissottometti talba bil-miktub lill-Aġenzija. It-talba trid tinkludi l-isem sħiħ tiegħek, in-numru ta’ identifikazzjoni, u kwalunkwe informazzjoni rilevanti biex tgħinna niddentifikawk. Jekk ikun meħtieġ, tista’ tintalab tippreżenta dokument ta’ identifikazzjoni uffiċjali biex tivverifika l-identità tiegħek.

L-Aġenzija tagħmel li tista’ sabiex twieġeb malajr kemm jista’ jkun għat-talbiet ta’ aċċess, u fi kwalunkwe każ fi żmien xahar mid-data tal-wasla tat-talba, sakemm ma jkunx hemm raġuni valida għad-dewmien. Jekk ikun meħtieġ aktar żmien, inti tiġi infurmat bil-miktub bir-raġuni għad-dewmien. Fil-każ ta’ ksur ta’ data personali li jaffettwa d-drittijiet tiegħek, inti tiġi infurmat skont l-obbligi legali applikabbli. Aħna nirriżervaw id-dritt li tinżamm id-data personali jekk l-iżvelar tagħha jaffettwa b’mod negattiv id-drittijiet u l-libertajiet ta’ oħrajn. Ġeneralment, ma tapplika l-ebda tariffa meta teżerċita d-drittijiet tiegħek. Madankollu, tista’ teħel tariffa amministrattiva raġonevoli jekk it-talba tiegħek tkun bla bażi, ripetittiva jew eċċessiva b ’mod ċar.

Jekk ma tkunx sodisfatt bl-eżitu tat-talba tiegħek jew temmen li d-drittijiet tiegħek għall-protezzjoni tad-data nkissru, tista’ tressaq ilment lill-Kummissarju għall-Informazzjoni u l-Protezzjoni tad-data.

9. Data Anonimizzata u Statistika

L-Aġenzija tista’ tiġbor u tipproċessa data anonimizzata jew aggregata relatata mal-użu tas-sit u tas-servizzi online tagħha. Din l-informazzjoni ma tiddentifikax utenti individwali u tiġi pproċessata biss għal skopijiet analitiċi u ta’ titjib tas-servizz.

Din id-data tista’ tinkludi, bħal:

Statistika ġenerali dwar l-użu tal-websajt (eż. il-paġni miżjura, it-tul taż-żjarat, u x-xejriet tan-navigazzjoni);
informazzjoni teknika (eż. it-tip ta’ browser, is-sistema operattiva, u l-kategorija tal-apparat);
post ġeografiku approssimattiva (eż. reġjun jew belt, ibbażata fuq data tal-IP anonimizzata);
data ġġenerata permezz ta’ cookies jew teknoloġiji simili użati għal skopijiet funzjonali u analitiċi.

Din l-informazzjoni tintuża biex:

tissorvelja u ttejjeb il-prestazzjoni, l-aċċessibilità u s-sigurtà tal-website;
jivvaluta l-involviment tal-pubbliku u jtejjeb il-kwalità u l-għoti tas-servizzi diġitali u regolatorji tal-Aġenzija;
tipproduċi rapporti jew riċerka li tappoġġja t-tfassil tal-politika jew il-funzjonijiet operattivi tal-Aġenzija, filwaqt li tiżgura li ċertu riżultati jibqgħu kompletament anonimi u mhux identifikabbli.

Id-data analitika kollha tiġi pproċessata f’forma aggregata jew anonimizzata fis-sors sabiex l-ebda individwu ma jkun jista’ jiġi identifikat direttament jew indirettament. Kwalunkwe użu ta’ cookies jew teknoloġiji ta’ traċċar għall-analitika jitwettaq skont il-Politika tal-Cookies tal-Aġenzija u l-liġijiet applikabbli dwar il-protezzjoni tad-data u l-komunikazzjonijiet elettroniċi.

10. Privatezza skont id-disinn u b’mod awtomatiku

Meta aħna nintroduċu teknoloġiji, politiki jew proċessi ġodda, aħna se niżguraw li l-privatezza tiegħek tiġi kkunsidrata mill-bidu tal-proċess, jiġifieri fl-“istadju tad-disinn”, u fejn applikabbli se nwettqu Valutazzjoni tal-Impatt fuq il-Protezzjoni tad-Data (DPIA) skont l-Artikoli 35 – 36 tar-RĠPD.

Aħna dejjem se nwettqu DPIA fejn nużaw teknoloġiji ġodda jew nikkunsidraw li hemm riskju għoli għad-drittijiet u l-libertajiet tiegħek. Jekk hemm valutazzjoni li tiddentifika riskji li ma jistgħux jitnaqqsu jew jiġu evitati b’mod sodisfaċenti, aħna se nfittxu parir mill-Awtorita’ ta ’sorveljanza (Uffiċċju tal-Kummissarju għall-informazzjoni u l-Protezzjoni tad-data) qabel ma jibda l-ipproċessar.

11. Links għal siti oħra

Meta aħna nipprovdu links għal siti ta’ organizzazzjonijiet oħra, dan l-Avviż dwar il-Privatezza ma jkoprix kif dik l-organizzazzjoni tipproċessa l-informazzjoni personali tiegħek. Inħeġġuk taqra l-avviżi ta’ privatezza fuq is-siti l-oħra li żżur.